قصيدة على شرف العام الجديد..
خلونا نحلم بالجديد
شعر : د.عمر محمود خالد
نحن فى بداية السنة والدنيا عيد
خلونا نحلم بالجديد
نحنا فى بداية السنة والدنيا عيد
وذكرى استقلال مجيد
خلونا نحلم بالجديد
ننسى اللفات
نتوحد ونلم الشتات
نسرج خيول الامنيات
لى وطن فارع مديد
فيهو يتساوى الجميع
بى فرحة اعراس الحصاد
ورقة أنفاس الربيع
ونودع الهم والضنى
ويلا نفرح كلنا
بكرة السلام ح يعمنا
ألفه ومحبه ضمنا
كل الدموع تصبح غنا
كل الشموع ترشح سنا
بدل اللغم والقنبلة
الطلقة تطلع سنبله
لاجراح هناك ولاجراح هنا
تعظيم سلام يا بلد
مليون تحيه و إنحنا
عيد استقلال مجيد و اتمني عام 2024 يكون خاتمة المآسي في السودان و يعود الوطن آمنًا
