دكتورة تقوى موسى تكتب: تفاصيل خفية عن شريف الفحيل
كنت عضو لجنة معاينات الطلاب الجدد في كلية النفط جامعة السودان لعدد من السنوات.
اذكر حتى الآن معاينة الفنان شريف الفحيل وما كنت بعرف انه فنان.
بعد الأسئلة المعتادة وفي محاولة على التعرف على مهارات طلابنا بنساله اذا عنده اي مهارات بيفتخر بيها .. فاذكر لما سألته قال لي بعرف أغني – وانا والله بحب الغناء – فطوالي قلت ليه لو واثق صوتك حلو غني نسمعك .. وفعلا غني في قاعة الاجتماعات . وعرفنا وقتها انه فعلا عندنا فنان انضم للكلية.
كلنا بنتذكر هذا الفنان الانسان ..بتذكر وقفته مع طلاب الكلية عبر صندوق دعم المعسرين. شريف كان بجي يدفع لاكتر من 20 طالب رسوم الجامعة ومافي طالب عارف انه دفع ليه شريف.
وبيدفع احيانا الرسوم لطلاب بالاسم بدون يعرفوا.
ما شفنا منه أي حاجة سيئة في الكلية بل بالعكس دوما موجود عند الحاجة.
و دي رساله لدفعته والطلاب العاشروه في كلية النفط:
ولدنا ده ما سيء ولا عمره كان .. محتاج منكم ومننا دعم معنوي .. اقيفوا معاه ..لو انت في مدينته في كندا زوروا و اتفقد احواله ..ولو انت صديقه وقطعت معاه تواصل، رجاءا ارجع واتواصل معاه وشوفوا لو محتاج مساعدة.
ويا ناس
الكلمة الطيب حسنة.
