رسالة دعم من الاعلامي علي قاسم لزميلته لينا انور

بعث الاعلامي علي قاسم بقناة الشروق سابقا برسالة دعم لزميلته لينا قاسم المذيعة السابقة بالشروق بعد تعرضها لوعكة صحية حرجة.

و دون قاسم :

(لينا ما بعتبرها مجرد زميلة…….

لينا اخت وسند والله، بعيدا عن السنين الاترافقنا فيها في الشروق علي الشاشة، جمعتنا مواقف كتيرة عرفت فيها اصلها الطيب و قلبها النقي (وجدعنتها)….

وبرغم انها فارقت السودان من سنين الا انها من اوائل الناس البلقاهم معاي في الترح قبل الفرح، باقية على العشرة وحافظة للاخوة وعلى الموعد تمام….

لينا من وقت بتحارب ببساله لظرف صحي ما هين بكل قوتها، و شفت منها صبر وجلد عظيم وتحمل يفوق كل الحدود، وزي ما عدت الفات باذن الله حتعدي ده…

بس طالبكم الدعوات لزولة قلبها عمران بالطيبة وعمرها ما تاخرت عن خير لزول..

دعواتكم ليها بالشفاء ودوام العافية

رب الناس اذهب البأس وأشف انت الشافي لا شفاء الا شفائك شفاء لا يغادر سقماً)