عبدالرحمن دقش يكتب: بيوت الخرطوم .. هل سكنتها الكلاب والكدايس ؟!!
الخرطوم تسامح نيوز
وحدث ما حدث في الخرطوم عاصمه دوله السودان كما اراد وخطط لها عصابه الجنجويد والمرتزقه الاجانب في الدعم السريع والمدهش حقا ان التخطيط كانت بدايته بعد قيام ثوره ديسمبر 2018م المجيده وسمع الناس ان عاصمه الجلابه وابناء البحر والنيل الخرطوم سوف تهدم طوبه طوبه وتصبح بيوت ومساكن الكلاب والكدايس وهذا ما حدث في حرب ابريل 2023م وبحزن عميق قد قلنا قبلها ان قافله السودان بعد الثوره المجيده سوف تسير علي نمط سنقافوره رغم ان الكلاب كانت تنبح لذبح سجل التاريخ لثوره ديسمبر التي كانت ناجحه ومناضله وان التاريخ سوف يعيد نفسه خلال اعوام قادمه وبصدق وامانه ان السودان وقتها كان يتمزق ويناطح الانهيار والانحلال والتعدي والفساد الذي تضخم عمقا وانتشر عما كان عليه من قبل !! × الحق يقال انه بعد الثوره المجيده جاء من يحكمه ينقصه الوعي الوطني وقد ذبحت الوطنيه نهارا ووئدت الخدمه المدنيه وكان الهرج والمرج والشح الباذخ والشعب ينادي ويردد ( طلع البدر علينا بعد ما اشتد الصراع … ووجب الموت علينا وفي منازلنا جياع ) وثم كان في زمن حمدوك الغلاء وانهيار اقتصاد الوطن وكان النهب والانحراف وانعدام امن الدوله وسرقات ( تسعه طويله ) واما انقطاع الكهرباء والمياه وتدني الصحه والتعليم فحدث عنه ولا حرج !! قلنا زمان وغازلنا شباب وكنداكات الثوره ان السودان بكم ومعكم سيكون ( سنقافوره افريقيا ) وحلفوا وتعاهدوا وحفظ اهل السودان عن ظهر قلب ( ايقونه القومه ليك يا وطني ) ولكن خلال اربع سنوات وبعدها حرب تحطمت احلام واماني وامال الشعب المناضل وشرب الخيبه والانكسار والمحاصصه والجهويه ولحس العسل المر من حكام السودان واولهم حمدوك ومعه البرهان وحميدتي ومجلس السياده ( المعتوه ) والقحاطه واربعه طويله في ( قحت ) وما زال الضعف والانكسار والاعمال المزريه تمشي علي اقدامها في الوطن الجريح والحرب تشتعل والحكومه من الوزراء المكلفين تدار من بورتسودان ولا تزال القرارات الهشه المنفكه ومنها سرقه جيوب الشعب بتسعه طويله ويمارسها وزير الماليه المكلف جبريل ابراهيم وامامه اهل الوظائف في كل السودان بلا مرتبات وكاد الانقطاع يصل الي عام وجبريل في ( فسحه ) الي نيويورك مع البرهان وبذمتك يا برهان والوزير الفاشل بوزاره الماليه جبريل ابراهيم كيف يعيش هؤلاء القوم بلا مرتبات وكيف ياكلون ويشربون ويتعالجون ويسافرون ويضحكون ويموتون ؟!! يا وزير الماليه الواقفه بلا ارجل ووير الحرب اين ذهبت اموال بيع ميناء ابوعمامه بشرق السودان. ؟! ما علينا الكلام ليك يا المنطط عينيك جبريل ابراهيم. هل بالفعل الامارات دفعت 6 مليار دولار ثمنا لشراء ميناء ابوعمامه واين هي الان بعد حرب ابريل ؟!! يا جبريل جاكم بسوطو ما نسمع منك ان الجنجويد كسروا الخزنه وسرقوا الدولارات !! اوع نسمع حكايات الف ليله وليله منك وانها الكارثه ويا للهول !! اهل السودان عندما ( تخلص ) الحرب في السودان سوف نقول علنا ان السودان سوف يكون سنقافوره افريقيا ولكن هل من دليل ؟!! نقول ( نعم والف نعم ) لان سنقافوره حققت المستحيل وصارت اعظم واكبر. واقوي في العالم في الاقتصاد والتعليم والصحه والهندسه والاختراعات وحتي في كل المجالات واصبحت دوله يشار اليها بالبنان وحدث وتم كل تلك الانجازات عام 1960م بعد انفصالها من ماليزيا. !! × طيب نصيحه لمن يحكم السودان بعد نهايه الحرب وارجو لو سمحت الظروف ان يدرس بالوعي الكامل معجزه سنقافوره ويمكن ادخالها في مناهج الوطن مطبوعه وفيها كافه صور سنقافوره التي تحكي وتوضح النهضه والعظمه وسوف يشاهد اهل السودان وبتعلموا الوحده بعيدا عن ( شيزوفرانيا ) الصدمه !! للعلم ان سنقافوره حتي عام 1960م كانت عباره عن مستنقعات لا تعد وتوصف وفيها الملاريا للجميع حتي النخاع. وكانت المنازل من القش والرواكيب والمنازل بلا حمامات Rest rooms. والاطفال يستحمون في الشوارع ولكن من جاء الي الحكم كان اول قرار لا احزاب. وكان الاهتمام بالشوارع وقد منع فيها ( مضغ اللبان ) ويعاقب عليها القانون ولا توجد في الاسواق. وكان اعاده المباني ووافق الشعب علي لغه واحده وهي اللغه الانجليزيه رغم كثره القبائل والجنسيات وتلك هي سنقافوره. !! المعروف في سنقافوره ان الشعب. لا يعرف القبليه والجهويه والعنصريه والمحاصصه ولحس الكوع وتسعه طويله والنهب والسرقات والفساد ولكن يا اهل السودان هل يمكن حدوث ذلك في السودان بعد نهايه الحرب ولا نسمع تاره اخري ( الاتفاق الاطاري ) الذي ادي الي حرب ابريل 2023م في السودان. ؟!! لكن لو لم نسمع عنها سوف تسير قافله السودان نحو القمه. بلا دجل واختلافات ويتوقف النبيح ويتم كبح جماح نبيح الكلاب !!!
