الخرطوم | تسامح نيوز
عمود ( زوجه واحده لا تكفي وتعدد الزوجات ) ادخلني في حيره وصرت في كلاسيكو عالمي وبين هزيمه الزوجات واحده وانتصار القونات بلا ازواج من جانب ( العنوسه ) ومن فاتهن مترو الزواج !! نهايه الامر وجدت ضرب غرائب الابل والتقريظ والاشاده وكلنا معك !! ما اسعدني واقتنعت به ما قام به الدكتور النفسي في الواتسابالواتساب من ( تشريح ) وقد وصف تعدد الزواج انه ( شلب ) او ( لفح من طرف تسعه طويلهتسعه طويله ) من بنات الزمن دا. وان التعدد ينتشر بالشمارات. !! لقد قال ان زوجات الواحد في خوف وقلق ولازم كل واحده تخلي بالها شديد من راجلها لان من السهل جدا سهوله الجيل الجديد ( جر ) الزوج من الزوجه الاولي بخمسين الكوتشينه ودا شلب جديد الذي يجنن المتزوجات رغم ان هنالك ( كساد ) في شوق ومحبه الزواج. وقله طلب. في ظل واقع السودان المرير. الذي يعيشه الناس من ارتفاع التكلفه وارتفاع كلفه المنتج الوطني من البنات !! بصراحه وكدا بنات الجيل دا. عندهن ارتفاع الاسعار في ( البضاعه ) خاصه بعد انتشار عمليات ( فسخ وجلخ ومسوح وبواريك ) ودا ( زاتو ) جعل عزوف الشباب في الزواج !! × الدكتور النفساني ينصح الزوجات الصامدات علي واحد من عام ( الرماده ) عام 2022م ويجب ( لوك ) حبال عناقريب الصبر لان الجيل الجديد من البنات ما عنده اخلاق في الشلب ورافعين شعار. ( راجل المراه معه تحلي المشاركه )!! بالمناسبه دي نقول ان المتزوجين من الرجال بواحده ما عندهم ( عشره الايام ) وهم اولاد كبت. والواحد يكبت ويكبت واول ما ينفجر ينفجر في وشك ( يعقد زواجه ) وهنا سكت دهرا ونطق عقدا !! ومن النصائح للزوجات من واحد رفع وادخال مستوي التنافس وممارسه رياضه ( نزلي كرشك يفضل عرشك ) و ( ضعفي جضومك يكبر كومك ) !! قالوا ان من يفضل التعدد من الرجال هم اصبحوا زي جنازه البحر. اي زول يجرها بتمشي معاهو !! ينصح الدكتور النفسي الزوجه الواحده دخول كورس ( كنيو دايت ) للتخسيس وكورس ( خسه وخساسه ) وبعدها تتعلم الدها, المنزلي وحياكه المؤامرات حتي تجعل الزوجه الواحده من الزوج خاتم في اليد اليمين. لانو لو كسر منك شمال. تاني ما تلحقوا قدام ( القونه ) بهدف في المرمي. ( العشه الزوجيه الجديد ) !! طيب لو عايزه الحفاظ علي راجلك. وضعيه في وضع صامت وان يوضع في غرفه نوم فوق راس الدولاب مع كيس ( تنباك سلك ) ودا وضع الخوف من زيارات ( الشلابات ) لان حكمه السواقين تقول ( العفش خارج البص علي مسؤوليه صاحبه ) !! بمناسبه الزواج توقفت مذهولا ومشلولا ولا اكاد اصدق ( نقطه ) زواج المطربه ( عشه الجبل ) التي وصلت 121 مليار و 250 مليون جنيه سوداني و 110 دولار امريكي. و70 الف عملات اخري !! اما الهدايا العينيه عدد 12 موبايل ايفون اكس و 15 سامسونج متنوع موديلات جديده وعدد 18 طقم ذهب وتقدر القيمه بي 25 مليار جنيه. وعدد 3 خواتم الماظ بقيمه 33 الف دولار. !! يا للهول ويا للعجب وكل ذلك يتم ويحدث والسودان في ازمات تفكيك وانهيار وهل هذا الزواج يمكن ان نضعه في قائمه ( شلب ) و ( لفح من طرف ) تسعه طويله ام ماذا يكون يا علما, الوطن واهل الشلب تفسير ( الغلوتيه ) دي المذهله ؟!!!
