عبد الرحمن دقش يكتب:يا اهل السودان من نصدق عندما يقولون ان الحرب انتهت

الخرطوم تسامح نيوز

يا اهل السودان الابرياء الاوفياء من نصدق عندما يقولون ان الحرب انتهتوهي مثل حرب خراب سوبا ؟! بالامس القريب وضح ان المليشيا تقصف الاحياء السكنيه وتحرق مبني مهم بالخرطوم وقصفت فندق كورنيثا وقصفت مبني وزاره العدل بالخرطوم وثم ماذا بقي من مساكن والي متي تستمر يا البرهان ؟! اليست تلك حرب خراب سوبا ام انها تتفوق علي جرب اوكرانيا ؟! × علي الرغم من تواصل حرب السودان هل يستفيد اهل السودان بعدها ؟! بعد اغلاق ابواب حرب السودان باذن الله سنجد الوطن المتماسك الاقوي لحمايه الدوله وكان لابد ان ينادي شعب السودان ( اللاءات الثلاث ) وهي لا للحرب ولا للمحاصصه ولا للجهويه والعنصريه والتمكين وبعدها سيصل السودان الي الثريا !! × من المحزن ان السودان كان ولا يزال بعد ثوره ديسمبر 2018م المجيده تمارس فيه ما تنادي به اللاءات الثلاث فكان لبس قفطان المحاصصه بلا مؤهلات وايدولوجيات الاحزاب والفساد والسرقات ولحس الكوع ومن اين تؤكل الكتف وتنفيذ ( امسك لي واقطع ليك ) وما اكثر الحان الرقص علي حبال الوهم !! × بالمناسبه ان كل ما حصل في السودان بعد ثوره ديسمبر من فساد وانحلال وتردي وحرب ابريل 2023م كان من مسارات قوي الحريه والتغيير او مايسمي ( قحت ) القحاطه وبالصدق والامانه اتفق تماما مع زميلنا الصحفي المهيب عبدالماجد عبدالحميد الذي ذكر معزوفه ( جوقه الاتفاق الاطاري ) في ( تسامح نيوز ) واضيف الي المعزوفه ( نطه ) خروج وخارج النص عن من عزفوا لحن الاتفاق الاطاري ونقول عن اولهم السياسي الجاهل عن كل حاجه ياسر عرمان والمدهش جدا كيف اختاره حمدوك في حكومه الثوره الثانيه مستشارا سياسيا قبل انقلاب البرهان باربع شهور واي مؤهلات يستند عليها حمدوك ؟! ثم هنالك ما مزق القلب ان حميدتي قد عين ياسر عرمان مستشارا سياسيا والله انها بلد الروبيضه من البشر !! اما المدعو خالد عمر يوسف الذي كان وزيرا بارزا مع حمدوك والان المتحدث ( الهمام ) عن قحت ويا زميلنا الصحفي عبدالماجد عبدالحميد ان ( الراجل ) دا اسم ( الدلع ) معه هو( خالد سلك ) او ( خالد سفه ) وهو في اديس ابابا وقد اشتري منزلا يشاراليه بالبنان في الامارات ونقول له ( من اين لك هذا ؟!) والكلام يطول عن محمد الفكي سليمان وقد اشار اليه زميلنا عبدالماجد ( المعتوه محمد الفكي ) واقول للزميل ان محمد الفكي ( منقه ) ودا اسم الدلع في اديس ابابا ويسكن في فندق رهيب غالي الثمن فالسكن فيه يساوي 500 دولار في اليوم الواحد وبعدين يا اهل قحت من يدفع الي عازفي الاتفاق الاطاري واهل قحت ؟! نضيف الي ( منقه ) وروق المنقه يا عبدالماجد تصور ان المعتوه محمد الفكي لما كان عضو مجلس السياده قام البرهان اعطاه سياره ( انفينيتي ) ( لنج ) من الورقه والنوع دا في امريكا عندنا للقوم الاغنياء. والمهم يا اهل السودان ان ( منقه ) عضو مجلس السياده شاف البرهان صرف سيارات غاليه شديد من غير الاولي وما اعطي منقه مثل ما استلمه شمس الدين كباشي وهي من طراز ( لكسزز ) Lexus وكان لازم يعطوا المدنيين مثل العسكر !! واما ( التائه ) جعفر حسن فهو برضو في اديس ابابا وفي نفس الفندق ولكن مين بدفع ثمن السكن يا قحت والسودان ( جايط ) بحرب الدعم السريع وقوات العسكر والجيش. ؟! × زميلنا الصحفي عبدالماجد عبدالحميد. يبحث عن الاعلامي الصحفي شوقي عبدالعظيم الذي كان من المؤيدين والداعين لانقلاب حميدتي والحرب ولكنه اختفي عن الانظار من الرصاصه الاولي. وهنا اقول عنه ونحن في امريكا نعرف اسرار المخابرات الامريكيه. ونعرف اخبارها وبالحس الصحفي نقول ربما ذهب الي رفيقه دربه امل هباني في كندا او ذهب متابعا عبدالرحيم دقلو في كبنيا. والله اعلم !! × قلنا ان اغلقت حرب السودان ابوابها يمكن ان ترجع العاصمه الخرطوم كما كانت وترجع الوطنيه والهمه الصادقه ولا تعود الاحزاب التي ضللت الناس ونقول لشعب السودان ان جماعه اهل المهجر والاغتراب علي استعداد لتقديم المزيد من الاستعدادات شريطه ان يكون كل اهل السودان يدا واحده. ويتوقع اهل المهجر من الشعب جميعا رفع رايات اللاءات الثلاث التي ضاعت واهملت وادخلت السودان في ( خرم ابره ) من الحرب الضروس والفساد والضياع ونسال الله نهايه الحرب ولا اعاد حرب خراب سوبا والخرطوم ولا للحرب والاتفاق الاطاري الذي كان شيزوفرانيا الحرب اللعينه !! × ما هذا الذي نسمع انه ستكون هنالك حكومه في بورتسودان من البرهان والجوقه واخري من حميدتي في الخرطوم وهنا علي الشعب ان يطالب بحكومه من المستقلين الشرفاء فقط لحمايه ارض الوطن وعليهم رفع شعارات ( اللاءات الثلاث ) وكفي الشعب المناضل الابي وهم الوهم والخم واللم والخمج والفوضي ونقول القومه ليك يا وطني !!!