ميادة قمر الدين تشيد بهذه الصحفية..اليك التفاصيل
الخرطوم – تسامح نيوز
وصفت الفنانة ميادة قمر الدين الصحفية سهير عبدالرحيم بأنها إعلامية محترمة و مثال رائع لي زولة حاسة بالوجع و الهم و قادرة تتكلم بدون خوف ولا تواطوء. حسب تعبيرها .
وكانت الفنانة ميادة قمر الدين قد غّردت عبر صفحتيها في الفيسبوك الشخصية و العامة وكتبت :
إعلامية محترمة و مهنية…قالت الكلام الجوانا كلنا بوضوح و قوة ….أي زول موضوعي قلبه على البلد مفروض يتفق معاها جملةً و تفصيلاً .
سهير عبدالرحيم مثال رائع لي زولة حاسة بالوجع و الهم و قادرة تتكلم. بدون خوف ولا تواطوء .
كل كلمة وراها مليوووون كلمة وأحساس
أنا بشكرها على البتعمل فيه ده ….و بقول ليها أرمي قدام لأنك واقعية و صادقة و نحن محتاجين الزيك ديل .
و أختتمت الفنانة ميادة تغريدتها بدعوة قائلة : ياريت كلكم تحرصوا على متابعتها ….عشان تنفشوا شويه من الغبينة و الحسرة الجوانا .
البلد دي موبوءة بالنفاق ….و دي زولة مختلفة ربنا يكتب لينا الأمان القالته ده
يذكر أن الصحفية سهير عبدالرحيم بدأت منذ ثلاثة أشهر تحويل مقالها الى برنامج توك شو على قناتها باليوتيوب
