عبدالرحمن دقش يكتب: قلوبنا وعيوننا ترحل كل يوم اليك الخرطوم ووين وين الملايين !!

الخرطوم تسامح نيوز

ما ان طل يوم 15 ابريل 2023م في سماء السودان الا كانت الفاجعه وتمزقت القلوب وكان تدمير عاصمه الدوله الخرطوم حيث التكسير والاغتيالات والاحزان والهروب منها وانتشرت اساليب النهب والسرقات والاغتصابات وكان الرحيل الي دول الجوار والولايات وانها حرب 15 ابريل 2023م الكارثيه وقاصمه ظهر السودان التي مشيناها خطي كتبت علينا باقدام وارجل البرهان وحميدتي وكان تدمير الخرطوم الواسع حزينا علينا وقلوبنا وعيوننا ترحل كل يوم اليها ووين وين الملايين !!  بحزن عميق ان دوله السودان منذ سنوات وحتي بعد قيام ثوره ديسمبر 2018م المجيده كانت حائره وبعدها بلا خجل واستحياء قامت حرب ابريل 2023م اللعينه وحرقت الخرطوم ورجعت دوله السودان الي ظلام الكهوف وكان حكامها تحت قبضه الوهم والضياع رغم ان دوله السودان تفيض بكل الموارد ولم تجد من يخرجها والاستفاده منها ولكن بعد قيام الثوره المجيده كان شعب السودان ينتظر الرجل المناسب في المكان المناسب ولم يتم ذلك ولم يعرف حكامها والاستفاده من ابار البترول والغاز واليورنيم والصمغ والسمسم والمواشي والزراعه ولا حياه لمن تنادي وظلت عاصمه السودان الخرطوم تموت وهي واقفه !! حقا ان ما حدث في حرب ابريل 2023م في السودان جعل العاصمه الخرطوم اشد تدميرا وتكسيرا. وازداد الالم والحسره والبكاء علي اللبن المسكوب عند تشريد سكانها وازداد الوجع ان حرب ابريل قد قضت علي الاخضر واليابس وكان اشد ضراوه وحزنا والما انقطاع الكهرباء المتواصل في نصف ولايات السودان وحقيقه ان كل الولايات كانت يشملها الانقطاع وشعب السودان كله يكتوي ويتعذب بنيران انقطاع الكهرباء نهارا وليلا. وهنا اذكر اهل السودان ان انقطاع الكهرباء حتي لو بدقيقه واحده في دول اوروبا وامريكا لا يحدث ولو حدث سوف يطيح برئيس الدوله وكما حدث في دوله المانيا قبل كم سنه كان حضور وزير الكهرباء الي الشوارع ليعتذر للشعب ويتوسل لهم وانها غلطه لا تغتفر وهنا يا برهان نجد مثل ذلك ولو في غمضه عين في السودان الذي تحكمه. وهل نجد من يزيل الهم والغم والالم ؟!! اسمع يا برهان ان الذي ازعج اهل السودان مساء يوم 23 اكتوبر 2023م هو انقطاع الكهرباء في سبع ولايات وعاشت في ظلام دامس تام وهي ولايات ( النيل الازرق / النيل الابيض / القضارف / شمال كردفان / جنوب كردفان / غرب كردفان / وحدث ذلك بعد خروج شبكه الربط الاثيوبي المغذي للخط القومي بالسودان ونقول هنا يا البرهان اين انت ووزير الكهرباء ( المكلف ) ؟!! وبذمتك يا حاكم السودان البرهان وانت اعلم ان السودان دوله بلا حكومه وتهجم عليه حرب اخري وهي انقطاع الكهرباء عن ولايات كثيره وتنعدم فيها حياه البيوت والمستشفيات والمصانع والشركات وهلم جرا !! × طيب من الاخر. يا حمدوك ان رجعت للحكم للمره الثالثه بعد حرب ابريل 2023م ننصحك ونقول ليك ( سيبك ) من احلام اليقظه وزعلوط و( الخمج ) و( الفرشخه ) وفساد الوزرات والاستناد علي بغاث الطير من المستشارين والمطبلين وحمله المباخر واحفظ عن ظهر قلب القوله ( الوزير وزير لو طالت عمامته ) وكذلك عن رئيس الوزراء واعلم ان الوزير ( المكلف ) في زمن البرهان كان يلبس العمامه الطويله مثل عمامه ( كمال ترباس ) وانت يا حمدوك لو لبست العمامه العاديه تذكر ما قاله ( الحجاج بن يوسف ) / انا ابن جلا وطلاع الثنايا متي اضع العمامه تعرفوني. ) ودا عندما تجتمع مع الوزراء حتي يخافوا وبالذات امام وزير الكهرباء والمياه واذا كان هنالك انقطاع الكهرباء وحدث نفذ الحكم علي الوزير وهو ( القطع بالقطع واقطع يد ورجل وزير الكهرباء من خلاف. وبعدها لن تنقطع الكهرباء في السودان !!!